Tuesday, 31 August 2021

Pushpa Movie Villain: Fahadh Faasil

Pushpa Movie Villain: Fahadh Faasil

విలన్ అంటే భారీ కాయం గుబురు మీసాలు భీతావహమైన రూపం, ఖంగుమనే స్వరం ఉండాలన్న రూల్ ని శివ సినిమాతో రఘువరన్ ని విలన్ గా పరిచయం చేయడం ద్వారా రామ్ గోపాల్ వర్మ బ్రేక్ చేసాడు. అప్పటినుంచి కొత్త తరహా విలన్లు వస్తూనే ఉన్నారు. విలన్లగా నటించి హీరోలుగా చేసిన వాళ్ళున్నారు. హీరోలుగా నటించి విలన్లగా అవతారం ఎత్తిన వాళ్ళూ ఉన్నారు. కానీ ఒకపక్క హీరోగా నటిస్తూనే క్యారెక్టర్ ఆర్టిస్టుగా సంపూర్ణమైన నటుడిగా గుర్తింపు పొందిన ఫహాద్ విలనిజం గురించే కాస్త ఎక్కువ మాట్లాడుకోవచ్చు.

Pushpa Movie Villain: Fahadh Faasil


ఏమాత్రం ఒడ్డు పొడుగు లేని పొట్టిగా ఉండే సన్నని రూపం దానికి తోడు కాస్త బట్టతల ఇవేమీ నటుడిగా విజయవంతం కావడాన్ని ఫహాద్ ని ఆపలేక పోయాయి. పరిపూర్ణ నటుడిగా ఎన్నో విలక్షణ పాత్రలను పోషిస్తూ ప్రేక్షకుల మదిలో తనదైన ముద్రను వేసాడు ఫాహాద్. చిన్ని చిన్ని పాత్రలను పోషించడానికి కూడా ఫహాద్ ఏమాత్రం వెనుకాడదు. మంచి ఫార్మ్ లో ఉన్న హీరోగా మళయాళంలో తనకున్న క్రేజ్ & మార్కెట్ కి చిన్న చిన్న పాత్రలు చేయడానికి ముందుకు రావడం అద్భుతమైన విషయంగా చెప్పుకోవచ్చు.
చిన్న చిన్న పాత్రలతో పాటు విలన్ గా కూడా మెప్పించడం తనకే చెల్లింది. వేసింది చిన్న పాత్రైనా సరే తనదైన ముద్ర వేసి ఆ పాత్రకి పూర్తిగా న్యాయం చేస్తాడు. కుంబలింగి నైట్స్ అనే మలయాళ మూవీలో షమ్మీ శ్రీనివాసన్ అనే చిన్న పాత్రలో ఫాహాద్ విశ్వరూపం చూడొచ్చు. చూపులతోనే భయపెడుతూ మాటలో ఒకలా చేతలు మరోలా ఉండే బార్బర్ గా ఫహాద్ నటన అద్భుతం అని చెప్పొచ్చు. సూపర్ డీలక్స్ అనే మూవీలో భార్య కోసం శవాన్ని మాయం చేయడానికి ప్రయత్నం చేసే భర్తగా, వేలైక్కారన్ లో విలన్ గా జోజి మూవీలో తండ్రినే హతమార్చిన కొడుకుగా, ట్రాన్స్ లో పరకాయ ప్రవేశం చేసిన పాస్టర్ గా మాలిక్ లో ఒక ప్రాంతాన్ని శాసించే డాన్ గా వేసిన ప్రతీ పాత్రలో జీవిస్తున్న ఫాహాద్ ని పుష్పలో విలన్ గా తీసుకోవడం ద్వారా ఆ మూవీపై విపరీతమైన బజ్ క్రియేట్ అయ్యేలా చేసింది. పుష్పకి ధీటుగా సవాల్ విసిరే భన్వర్ సింగ్ పాత్రలో ఫాహాద్ రెచ్చిపోవడం ఖాయంగా కనిపిస్తుంది. ఒక్క ఫస్ట్ లుక్ పోస్టర్ లోనే భీతావహమైన రూపంతో కనిపిస్తున్న ఈ విలక్షణ నటుడు పుష్పకి ప్రధాన ప్రత్యర్థిగా మాత్రమే కాక పుష్పకి ఆయువు పట్టుగా మారి నటిస్తాడని ఆశిద్దాం..
PS- ఏదో రాయాలని మొదలుపెట్టి ఏదేదో రాసేసాను..

1 comment:

  1. Other tribes within the state are excited about comparable deals, however nothing is promising regarding statewide on-line or retail sports betting within the Wisconsin Legislature. North Carolina is an unlikely member of the group of sports betting states, however, due to a 2019 regulation, the Tar Heel State allowed for wagering at tribal casinos within the state to begin. At current, there are three tribal places in North Carolina, and two of them — the 2 Harrah’s properties — 카지노사이트 have sportsbooks. The third property continues to be figuring out major points} however has indicated that it plans to open a sports betting facility as well.

    ReplyDelete

Abhiyum Anuvum Full Movie Explained in Telugu

  ఇది ద్విభాషా చిత్రం. మలయాళంలో Abhiyude Katha Anuvinteyum అన్న పేరుతో విడుదలైంది. తమిళంలో మలయాళ నటుడు టోవినో థామస్ కి మొదటి సినిమా ! కొన్ని...